Welcome to the Sikh Vichar Manch-Thought Provoking Forum for Justice

The Facing Modernization in Race after Feeling Retired: A View

 POEM: RACE

ਦੌੜ

ਘੋੜਾ ਦੌੜਿਆ  ਦੌੜ

ਜਿਸ ਦੌੜ ਲਈ ਘੋੜਾ ਘੜਿਆ ਗਿਆ ਸੀ

ਘੋੜਾ ਉਹ ਦੌੜ ਕਿਵੇਂ ਦੌੜਦਾ?

ਜਿਸ ਮੈਦਾਨ ਲਈ ਘੋੜਾ ਘੜਿਆ ਹੀ ਨਹੀਂ ਸੀ ਗਿਆ

ਉਹ ਵਪਾਰੀ ਹੀ ਨਹੀਂ ਸਨ ਉਸ ਘੋੜੇ ਦੀ ਦੌੜ ਦੇ

ਜਿਨ੍ਹਾਂ ਨੂੰ ਆਪਣੀ ਦੌੜ ਦੇ ਵਪਾਰੀ ਸਮਝ ਬੈਠਾ

ਉਹ ਵਪਾਰ ਦੀਆਂ ਗਲੀਆਂ ‘ਚ

ਘੋੜਾ ਆਪਣੀ ਦੌੜ ਕਿਵੇਂ  ਦੌੜਦਾ?

ਘੋੜਾ ਆਪਣੀ ਦੌੜ ਕਿਵੇਂ ਦੌੜਦਾ?

ਘੋੜਾ ਤਾਂ ਯਾਦ ਰੱਖ ਰਿਹਾ ਹੈ

 ਗਲੀਆਂ ਜਿੱਥੇ ਦੌੜਿਆ ਬੱਚਪਨ ਤੇ ਜਵਾਨੀ ਦੀ ਦੌੜ

ਅੱਜ ਸਭ ਕੁੱਝ ਬਦਲ ਗਿਆ ਹੈ

  ਕਿਵੇਂ ਦੌੜੇਗਾ ਵਪਾਰ ਦੀਆਂ ਗਲੀਆਂ ‘ਚ?

ਘੋੜਾ ਆਪਣੇ ਬੱਚਪਨ ਤੇ ਜਵਾਨੀ ਦੀ ਦੌੜ

ਵਪਾਰ ਦੀਆਂ ਗਲੀਆਂ ‘ਚ

ਘੋੜਾ ਆਪਣੀ ਦੌੜ ਕਿਵੇਂ ਦੌੜਦਾ?

ਘੋੜਿਆ ਆਪਣੀ ਦੌੜ ਕਿਵੇਂ ਦੌੜੇਂਗਾ?

ਸਮਝ ਲੈ, ਨਾ ਪੈ ਹੁਣ ਵਿੱਚ ਘੋੜ-ਦੌੜ

ਦੌੜਾਂ ਜਿੱਤਦਾ ਰਿਹਾ ਹੈਂ

ਹਾਰ ਜਾਵੇਂਗਾ ਵਪਾਰੀ ਗਲੀਆਂ ਦੀ ਦੌੜ

ਘੋੜੇ ਨੂੰ ਘਸੀਟਿਆ ਜਾ ਰਿਹਾ ਹੈ

 ਘੋੜਿਆ ਨਾ ਦੌੜੀਂ ਵਪਾਰੀ ਗਲੀਆਂ ਵਿੱਚ ਦੌੜ

ਹਾਰ ਜਾਏਂਗਾ!

  ਉਹ ਵੀ ਜੋ ਜਿੱਤਦਾ ਰਿਹਾ ਹੈਂ

ਘੋੜਿਆ ਆਪਣੀ ਦੌੜ ਕਿਵੇਂ ਦੌੜੇਂਗਾ?

ਘੋੜਿਆ  ਆਪਣੀ ਦੌੜ  ਕਿਵੇਂ  ਦੌੜੇਂਗਾ?

ਸਮਝ ਲੈ, ਨਾ ਪੈ ਹੁਣ ਵਿੱਚ ਘੋੜ-ਦੌੜ

ਜੋ ਜਿੱਤਦਾ ਰਿਹਾ ਹੈਂ

ਉਹ ਵੀ ਹਾਰ ਜਾਏਂਗਾ ਹੁਣ ਆਪਣੀ ਦੌੜ

ਦੂਰ ਰਹਿ ਵਪਾਰ ਦੀਆਂ ਗਲੀਆਂ ਤੋਂ

ਨਾ ਦੌੜੀਂ ਹੁਣ ਹੋਰ ਦੌੜ

ਉਹ ਵੀ ਹਾਰ ਜਾਏਂਗਾ ਹੁਣ ਆਪਣੀ ਦੌੜ

ਜੋ ਜਿੱਤਦਾ ਰਿਹਾ ਹੈਂ

ਘੋੜਿਆ ਆਪਣੀ ਦੌੜ ਕਿਵੇਂ ਦੌੜੇਂਗਾ?

ਘੋੜਿਆ ਆਪਣੀ ਦੌੜ ਕਿਵੇਂ ਦੌੜੇਂਗਾ?

ਸਵਾਰਥ ਵਿੱਚ ਵੀ ਹੈ ਉਹੀ ਵੱਸਦਾ

ਦੱਸਣ ਲਈ ਕੌਣ ਹੈ ਨੇੜੇ ਕੌਣ ਹੈ ਦੂਰ

ਨੇੜੇ ਤੇ ਦੂਰ ਦੀ ਸਮਝ ਆਉਣ ਤੋਂ ਬਾਅਦ

ਹੁਣ ਕਿਉਂ ਦੌੜੇਂਗਾ ਹੋਰ ਦੌੜ?

ਹਾਰ ਜਾਏਂਗਾ ਹੁਣ ਆਪਣੀ ਦੌੜ

ਜੋ ਜਿੱਤਦਾ ਰਿਹਾ ਹੈਂ

ਦੂਰ ਵਾਲੇ ਨੇੜੇ ਤੇ ਨੇੜੇ ਵਾਲੇ ਦੂਰ ਦੇਖਣ ਨਾਲ

ਫਿਰ ਹੋਰ ਹੀ ਭੰਬਲ-ਭੂਸਾ ਪੈ ਜਾਊਗਾ?

ਘੋੜਿਆ ਆਪਣੀ ਦੌੜ ਕਿਵੇਂ ਦੌੜੇਂਗਾ?

ਸੂਚ! ਜੋ ਜਿੱਤਦਾ ਰਿਹਾ ਹੈਂ

ਉਹ ਵੀ ਹਾਰ ਜਾਏਂਗਾ ਹੁਣ ਆਪਣੀ ਦੌੜ

ਦੂਰ ਰਹਿ ਵਪਾਰ ਦੀਆਂ ਗਲੀਆਂ ਤੋਂ

ਨਾ ਦੌੜੀਂ ਹੁਣ ਹੋਰ ਦੌੜ

ਹੁਣ ਕਿਉਂ ਦੌੜੇਂਗਾ ਹੋਰ ਦੌੜ?

ਸੂਚ! ਨਾ ਦੌੜੀਂ ਹੁਣ ਹੋਰ ਦੌੜ

ਬਲਬੀਰ ਸਿੰਘ ਸੂਚ, ਐਡਵੋਕੇਟ, ਲੁਧਿਆਣਾ-ਸਿੱਖ ਵਿਚਾਰ ਮੰਚ
16 ਜਨਵਰੀ 2011
http://www.sikhvicharmanch.com/
http://www.facebook.com/profile.php?id=100000753376567